________________________________________________________________________________________________
- Aaj baithe hai dariya kinare
- Soch mein dubey.. man ko samjhaaye.
- Alvidaa keh gya hai Aaftaab
- Abr mein chhipa hai Maahtaab.
- To Mushaahide khud ke bas hum hi hai
- Zindagi darakht to, uske saaye hum hi hai.
- Wo mushaira khwaabon ka jo kabhi ab hona nhi
- Wo silsilaa baton ka jo kabhi ab bandhna nhi.
- Par lgti hai ye zindagi phir bhi naahid si hmein
- Faarigi mili hai is daayam tardiid-e-jamaat se jo hmein.
- Zaalim maalum hoti hmein ye jamaat, dekhi jo itni dfaa
- beizzat krein hum, to wo bewafa, Taarif krein to wo bewafa.
- hmaare daag-e-badr par zakhm krne mein durast
- har tamashaa-e-hayaat ka krti ye bandobast.
- shabaabi darakht ko bhi dikhaaye ek marz-e-shajar
- to kyun rkhein qalb mein is jamaat ka zikr.
- ab vasle kri is jamaat se humne itni mukhtasar
- aate hi inke hum na rhe mayassar.
- Par pta hai hmein ki honge is khalq mein kai shair aur bhi
- To shayd qalb-e-jamaat koi aur behla degaa, tamashaa-e-hayaat koi aur lgaa dega, koi aur lga dega..
Glossary:
- Aaftaab-Sun
- Abr-Cloud
- Maahtaab-Moon
- Mushaahude-Witness
- Darakht-tree
- Naahid-beautiful
- Daayam-perpetual
- Faarigi-Freedom
- Jamaat-Assembly (of people)
- Tardiid-Contradiction
- Hayaat-life
- Bandobast-to prepare
- Badr-full moon
- Durast-active/ready
- Shabaabi- at its prime
- Marz-disease
- Shajar-tree
- Qalb-Heart/Mind
- Vasle-meeting
- Mukhtasar-short
- mayassar-available